રાજસ્થાનના ફતેહપુરમાં બાલાજી મંદિર નજીક એક ટ્રક ફ્લાયઓવર પર એક અન્ય ટ્રકને ઓવરટેક કરવાનાં પ્રયાસમાં સામેથી આવી રહેલાં ટ્રોલી સાથે અથડાયો હતો. ડીઝલ રસ્તા પર દૂર સુધી ફેલાઈ ગયુ હતુ. જેને કારણે ભીષણ આગ લાગી હતી. બે ટ્રક સવાર યુવક જીવતા સળગી ગયા હતા. જ્વાળાઓ એટલી વધારે હતીકે, રાત્રે 12 વાગ્યા સુધી યુવકોનાં શબ કાઢી શકાયા ન હતા. તે બાદ ઘટનામાં બળી ગયેલાં બંને લોકોને ગંભીર હાલતમાં ફતેહપુરનાં ધાનુકા હોસ્પિટલમાં દાખલ કરવામાં આવ્યા છે.
ઓવરબ્રીજમાંથી બંને બાજુ સેંકડો લોકો ઘટના સ્થળે એકઠા થયા હતા. લોકો માટી અને પાણી નાખીને આગને કાબૂમાં લેવાનો પ્રયાસ કર્યો હતો પરંતુ આગ અટકી ન હતી. બંને ફાયર ફાઈટરોએ ખૂબ જ મહેનત બાદ આગને કાબૂમાં લીધી હતી.
તો, ઘટના પછી, આગથી હાઈવે પર આશરે અઢીથી ત્રણ કિલોમીટર લાંબો જામ લાગ્યો છે. સેંકડો લોકો ઘટના સ્થળે એકઠા થયા હતા.ફતેહપુર કોતવાલી સીઆઈ ઉદયસિંહ યાદવે જણાવ્યું હતું કે, ધનુકા હોસ્પિટલમાંથી પ્રાથમિક સારવાર બાદ ઘટનામાં ઘાયલ થયેલા બંને લોકો સીકર રિફર કરાયા છે.બિકાનેરનો એક યુવાન, જે 20 વર્ષનો છે, તેને એસ.કે. હોસ્પિટલ સીકરના બર્ન વોર્ડમાં દાખલ કરાયો છે.
મળતી માહિતી મુજબ રાત્રે 12 વાગ્યા સુધી ટ્રકોમાંથી લાશને બહાર કાઢી શકાઈ નથી. કારણ કે લોખંડ ગરમ હતુ. ફાયર ફાઈટર અડધો કલાક મોડી પહોંચ્યા હતા. ઘટનાના એક કલાક બાદ ફાયર ફાઈટરની બે ગાડીઓ ઘટનાસ્થળે પહોંચી હતી અને આગને કાબૂમાં લેવામાં આવી હતી. લગભગ સવા કલાક પછી આગને કાબૂમાં લેવામાં આવી હતી.ફલાયઓવરની પહોળાઈ ઓછી હતી અને બંને ટ્રકોએ સ્ટીઅરિંગને એક જ બાજુ ફેરવી હતી, જેના કારણે ટક્કર થઈ હતી.
ચુરુ તરફથી આવતી બીજી ટ્રકનો ડ્રાઈવર દ્વારકા અજમેરનો રહેવાસી છે. દ્વારકાએ જણાવ્યું હતું કે, તે હાઈવે પર ચુરુથી ફતેહપુર તરફ જઈ રહ્યો હતો. એક ટ્રક એચઆર 39 ડી 9948 પણ ચુરુથી ફતેહપુર તરફ જઇ રહી હતી. ટ્રોલી અમારી ચોખા ભરેલી ટ્રકને ઓવરટેક કર્યુ હતુ. ચડાઈને કારણે ટ્રોલીની ગતિ ઝડપી હતી સામેથી આવતી બીજી ટ્રોલી આરજે 07 જીડી 0207 ફતેહપુરથી ચૂરૂ તરફ જઈ રહી હતી તે ચૂનાના પત્થરોથી ભરેલી હતી.
આ દરમિયાન બંને ડ્રાઈવરોએ એક જ બાજુ સ્ટીયરીંગ ફેરવી દેતાં બંનેની વચ્ચે ટક્કર થઈ હતી. અને આગ લાગી હતી. ટ્રક ચાલક દ્વારકાએ વધુમાં માહિતી આપી હતી કે પુલ બહુ પહોળો ન હતો. પુલ પર એક સાથે બે ટ્રક બહાર નીકળ્યા બાદ વધુ જગ્યા બચતી નથી. ચુરુ તરફથી આવતા ટ્રોલી ઓવરબ્રીજની રેલિંગ તોડીને લગભગ ત્રણ ફૂટ નીચે લટકી ગયો છે. આગ એટલી ભીષણ હતીકે, દૂર સુધી આગની લપેટો ઉડવાને કારણે કોઈ નજીક જઈ શકતું ન હતુ.
એક ટ્રોલીની ડીઝલ ટાંકીમાં થયેલા વિસ્ફોટથી આગ વધુ વકરી હતી. ડીઝલના વિખેરાવાનાં કારણે રસ્તા પર પણ ઉંચી જ્વાળાઓ ઉભી થવા માંડી હતી. સવારે 10.35 વાગ્યે ક્રેનને બોલાવવામાં આવી હતી. જેથી બંને ટ્રકોને દૂર કરીને રસ્તો ખોલી શકાય. ટ્રકમાં હંમેશા એક ડ્રાઈવર અને એક પરિચાલક હોય છે, પરંતુ બંને ટ્રકોમાં ત્રણ લોકો જ નીકળ્યા છે. જેમાંથી એક જીવતો જ સળગી ગયો હતો. ડીઝલ વિખેરાવાને કારણે ઘણી દૂર સુધી લપેટો ઉઠી હતી.
