ભોપાલ: ક્યારેક-ક્યારેક વ્યક્તિને ગમે તે વસ્તુ મોઢામાં નાખવાનો શોખ ખૂબ જ મોંઘો પડી શકે છે. એટલું જ નહીં આવી ટેવોને લીધે કેટલીક વખત તેનો જીવ પણ જાય છે. આવો જ એક હેરાન કરનારો મામલો ભોપાલના અખિલ ભારતીય આયુર્વેદ વિજ્ઞાન સંસ્થા એમ્સથી સામે આવ્યો છે. અહીં એક 32 વર્ષના યુવકની સર્જરી કરી તેના ફેફસામાંથી 14 સેન્ટિમીટર લાંબુ ચાકુ માંડ-માંડ બહાર કાઢવામાં આવ્યું હતું. આશ્ચર્યની વાત છે કે યુવકે ચાકુથી પેનની રીફિલ પણ ગળી લીધી હતી.
ચાકુ ગળી જનારો યુવક છતરપુરનો રહેવાસી છે. ડોક્ટરે જણાવ્યું કે, યુવક આ પહેલા ઘણીવાર લોખંડની વસ્તુ પણ ગળી ગયો છે. બે વર્ષ પહેલાં જીલ્લા હોસ્પિટલમાં ઓપરેશન કરી તેના પેટમાંથી વિચિત્ર વસ્તુઓ કાઢવામાં આવી હતી.
યુવકના પરિવારના લોકોએ જણાવ્યું કે, યુવકને થોડા દિવસથી ગળવામાં તકલીફ થઈ રહી હતી. જ્યારે તેનો ઇએનટી વિભાગના સર્જન ડૉક્ટરોએ ગળાનો એક્સ રે કર્યો ત્યારે તે જોઈ તેઓ પણ હેરાન થઈ ગયાં હતાં. કેમ કે, કંઈક આ રીતની વસ્તુ જોવા મળી હતી. જ્યારે એન્ડોસ્કોપી કરી ત્યારે જાણ થઈ કે તેના પેટમાં ચાકુ ફસાયું છે.
ભોપાલ એમ્સના ડોકટરોએ આ મામલાને ગંભીરતાથી લઇ યુવકની તાત્કાલિક સર્જરી કરવાનો નિર્ણય લીધો હતો. ભોપાલ એમ્સના નિર્દેશક ડોક્ટર રમણ સિંહે મીડિયાને જણાવ્યું કે, ઓપરેશન ખૂબ જ મુશ્કેલ હતું, આ દરમિયાન યુવકનો જીવ પણ જઈ શકતો હતો. જેનાથી એલીમેન્ટરી કેનાલ ઉપરાંત તેના મગજમાં લોહી પહોંચાડતી નસોને પણ નુકસાન થઈ શકતું હતું.
ઉલ્લેખનીય છે કે આ યુવકને પોતાના મોતથી વિચિત્ર વસ્તુઓ ગળવાનો શોખ હતો. તે છેલ્લા બે વર્ષથી પોતાના મગજની સારવાર કરાવી રહ્યો હતો. આ ઉપરાંત 10 વર્ષથી દારૂ અને બીડી પણ પીતો હતો.
એમ્સના ડોક્ટરોએ જણાવ્યું કે ચાકુનો આગળનો ભાગ યુવકની મુખ્ય ધમની સુધી પહોંચી ગયું હતું. આ દરમિયાન સર્જરી કરવાની હતી. એવામાં અમારી સ્પેશિયલ સર્જન ટીમે આ ઓપરેશન કરવા માટે 4થી 5 કલાકનો સમય લીધો હતો. હવે તે સંપૂર્ણ રીતે સ્વસ્થ છે.
